ഇന്നലെ ഞാൻ ഒരു സ്വപ്നം കണ്ടു..., മനോഹരം ആയ ഒരു സ്വപ്നം...,എന്നിട്ടും അതു എന്നെ  വല്ലാതെ കുത്തിനോവിക്കുന്നു...,

                               ഞങൾ പുറത്തു എവിടെക്കോ പോകാൻ പോവുന്നു , ഒരു surprise evening outing  ,എന്റെ കണ്ണുകെട്ടി അവനു ഒരുപാടു ഇഷ്ടപെട്ട ഒരു സാരി  എടുത്തു കയ്യിൽ തന്നു .കണ്ണ്കെട്ടി തന്നെ ഞാൻ അതു ഉടുത്തു.അവൻ തന്നെ എനിക്ക് പൊട്ടു വെച്ചു തന്നു , എന്റെ മുടിയിഴകൾ മാടി ഒതുക്കി വെച്ചു . ഒരു അന്ധയെ പോലെ എന്നെ കൈക്കു പിടിച്ചു നടത്തി .ഞങൾ എവിടെക്കോ പോകുന്നു...ഒരു പുഴയുടെ മൃദുവായ തലോടലിൽ ഒരു തോണി  നീങ്ങുന്ന പോലെ  കാർ  ഒഴുകി .....കാറ്റിൽ പോലും  കവിതയുടെ തലോടൽ ഞാൻ അറിഞ്ഞു....,കൈകൾ കോർത്ത്‌ പിടിച്ചു ഞങൾ അവിടെ എത്തി.സ്വർഗത്തിലെ പൂത്തോട്ടത്തിൽ എത്തിയ പോലെ തോന്നി എനിക്ക്...,

                  എന്നെ ഒരു കസേരയിൽ ഇരുത്തി , എന്റെ മുന്പിലെ വേസിൽ ഇരിക്കുന്ന പനിനീർ പുഷ്പത്തിനെ സ്പർഷനതിലുടെയും , ഗന്ധതിലൂടെയും ഞാൻ അറിഞ്ഞു...., അവൻ എന്റെ പുറകിൽ വന്നു  മൂർധാവിൽ ഒരു ചുംബനം തന്നു ...., എന്നിട്ടു പതിയെ എന്റെ കണ്ണിലെ കെട്ടു അഴിച്ചു...ഞാൻ മെല്ലെ കണ്ണുതുറന്നു....ഞങളുടെ തീൻ മേശയിലെ മെഴുകുതിരി വെള്ളിച്ചവും.... ചുവന്ന റോസാ പുഷ്പങ്ങളും കണ്ടു കൊതിതീരുന്നത്തിനു മുൻപ് എന്റെ ചുമലിൽ മുഖം അമർത്തി അവൻ ദൂരേക്ക് കൈ ചൂണ്ടി....അവിടെ ആ കായലിനു തീരത്തു  റാന്തൽ കൊണ്ട് അലങ്കരിച്ച  കിളിക്കൂടു പോലെ മനോഹരം ആയ ഒരു വീട് .... പണ്ട് എപ്പോഴോ ഇളം മഞ്ഞിൽ ആ താഴ്വരയിൽ  , പൈൻ മരച്ചുവട്ടിൽ അവന്റെ മടിയിൽ , ഞങൾ പങ്കുവെച്ച സ്വപ്നം....,
                            കായലിനു അഭിമുഖം ആയി ,ആട്ടുകട്ടിൽ ഉള്ള ,രവിവർമ ചിത്രങ്ങൾ കൊണ്ടു അലങ്കരിച്ച.... ഞങളുടെ കിളിക്കൂട്...., അവന്റെ മാറിൽ തലചായ്ച്ചു ആ ആട്ടുകട്ടിലിൽ കിടക്കുമ്പോൾ ,മുഖത്ത് ഈറൻ അടിച്ചു....,      ഞങളുടെ പ്രണയത്തിനു അകമ്പടിയായി  ചാറ്റൽ പെയ്യ്തു തുടങ്ങിയിരുന്നു  അപ്പോഴേക്കും.

                        ഈ സന്ധ്യ സമയത്തും മഴ സുന്ദരിയായിരുന്നു ....അസ്തമയ സുര്യൻ അവളുടെ സിന്ധൂര രേഖയിൽ കുങ്കുമം ചാർത്തി....അവൾ ആ ഓള പരപ്പിൽ നൃത്തം വെച്ചു...അവന്റെ മാറിലെ ചൂടിൽ മഴയ്ക്ക്  നൂറു വർണങ്ങൾ... :-) .....,
     
                 ആ സ്വപ്നത്തിൻറെ ആലസ്യത്തിൽ  എണീറ്റു കണ്ണാടിയിൽ നോക്കാനാണു തോന്നിയത് .... നെറ്റിയിൽ പൊട്ടില്ല ,സീമന്ത രേഖയിൽ അവൻ അണിയിച്ച സിന്ദൂരം ഇല്ല  ,കൂട്ടിനു അവൻ ഇല്ല....ആ  സ്വപ്നം അവസാനിക്കാതിരുനെങ്കിൽ....മനസ്സ് അന്ഗീകരിക്കാൻ തയ്യാറല്ലായിരുന്നു...

                            അപ്പോഴേക്കും നേരം പരപരാന്നു വെളുക്കുന്നു ...  ഇനി ഈ സ്വപ്നത്തിനു തിരശീല പണിയാം...., പക്ഷെ എന്റെ ജാലകവാതിലിൽ മഴയുടെ ആര്ദ്ര സംഗീതം ഞാൻ കേട്ടു....,എനിക്ക് അവളെയും അവൾക്കു എന്നെയും ഒരിക്കലും നഷ്ടപെട്ടിരുന്നില്ല ,എന്റെ നഷ്ടങ്ങളുടെ  വില ഒര്മിപ്പിക്കാൻ ,ചാറ്റലായി  വന്നു എന്നെ തഴുകാൻ.....,
എന്റെ തെങ്ങലുക്കൾക്ക് കാതോർക്കാൻ സഖി എനിക്ക് കൂട്ട് നീ മാത്രം....,



                                                                                               അനു.......,